Inés García Gómez Bilbo ( 1983)
Arte Ederretan lizentziatu zen Bartzelonako Fakultatean eta ikasten ari zela urte betez Balira joateko beka jaso zuen. Unibertsitateko karrera amaitzean, Cristina Iglesias, Abbas Kiarostami, Víctor Erice, Gabriel Orozco eta Wilfredo Prietok emandako tailerrak jasotzen ditu bere prestakuntza osatzen joateko asmoz.
Maila nazionalean hainbat erakusketatan parte hartu du: Bartzelonan (Sant Andreu Contemporari), Madrilen (Espacio Trapezio, MATADERO) eta Bilbon (Espacio Abisal, Sala Rekalde). Bere bideoak CA2M, Tabakalera, Vigoko MARCOn, Murtziako La Conservera, Loopen eta Bartzelonako Screen Festival aretoetan proiektatu dira, besteak beste.
Nazioartean hainbat jaialditan ikusi ahal izan dira bere ikus-entzunezko piezak, hala nola Paris/Berlin nazioarteko Les Rencontres jaialdian, New Yorkeko Bideoarte Latino Jaialdian, Teherango Zinemaldian eta Buenos Airesko FIVA jaialdian, hala nola Lisboan, Atenasen, Montrealen eta Nottinghamen.
2018an bere lehen bakarkako erakusketa handia egin zuen: Winterreise BilbaoArte Fundazioan. Urte berean, "Montanha Magica, Arte e Paisagem" sinposioaren barruan bere lanari buruzko hitzaldi bat ematera gonbidatu zuten Beira Barrualdeko Unibertsitatean, NEW SPAIN erakusketan parte hartu zuen Vila do Condeko Solar galerian, EMBARRAT erakusketan Trepat Museoan eta Zinebi edota Punto de Vista bezalako festibaletan ere erakutsi zen bere lana.
2019an, Santanderko Pombo plazan SEIS CANCIONES POPULARES MONTAÑESAS soinu instalazioa gauzatzen du eta Castro Urdialeseko La Residencia Kultur Etxean bakarkako erakusketa bat egin ere. Honez gain, UMBRA instalazioa aurkezten du Belfasteko Lorategi Botanikoan Alex Brunt artistarekin batera.
2020an, Bizkaiko Foru Aldundiaren diru-laguntza jaso du Euridize bere proiektu filmikoa gauzatzeko.
Joan etorrian poliki-poliki desagertzen diren soinuak, masa trinko bat hedatu eta uzkurtzen da, eta urrutitik datorren marmar lasai baten antzera, ahaztutako oroitzapena esnatzen da.
Entzumena, ikusmena eta ukimena nire azken garaiko instalazio, eskultura eta film esperimentaletatik igarotzen dira. Materiari erreferentzia egiten dioten keinu formalak, barneko espazioaren eta kanpokoaren arteko distantzia murrizteko asmoz sortuak. Espazio mentalaren irudikapenaren inguruko birak, non paisaia elurtuek, igogailu industrialek edo itzalek denborazkotasuna hautemateko moduak aztertzeko gorputza osatzen duten.
www.ines-garcia.com
