Getxo, 1983.

Euskal Herriko Unibertsitatean Arte Ederretan Lizentziatua.

Botin Fundazioak antolaturik Lothar Baumgartek emandako tailerrean parte hartu zuen baita Oteizaren inguruko seminarioan ere; “La crisi de la modernidad” deiturikoa, Iruñean. Sormen Beka eta Produkziorako diru laguntzak jaso izan ditu; BilbaoArte Fundazioa, Bizkaiko Foru Aldundia eta Kunsthaus Breguenz,Austrian, besteak beste. Bakarkako erakusketen artean aipatzekoak dira No end in-sight Torre de Ariz-en, Basauri; Pabellon Abierto, Zorrozaurren edota Apertura Espacio Abisalek komisariaturik. Erakusketa kolektiboetan ordea, Art prize Arte Laguna, Veneziako Arsenalean; BilbaoArteko Ate irekiak edota Ertibil Bizkaia erakusketa ibiltaria (2008), Errekalde Aretoan izanik bere abiapuntua.

Artistaren kokapena materializazioa gertatu aurretiko espazio horretan. Erreala denaren aurrean hartutako tokia, eta ausentziaren onarpena, bizimodu eta desira. Aurkitzearen bilaketan ematen den irekiera, keinua denpora bailitzan. Objektu artistikotik proiektu artistikora ematen den desplazamendu horretan ekite materialak interes zentrala galtzen du eta objektua temporalitate baten baitan ordenaturik geratzen da, proiektu artistikoaren baitakoa dena.